Районнан унике егет хәрби хезмәткә киттеләр

"Сарман: иң яңа хәбәрләр", 22 июнь 2023 - 08:19

1047

Бүген, 22 июнь иртәсендә, Сарманнан язгы чакырылышның «отправка»сы үтте.

Безнең районнан — унике, Мөслим районыннан өч егет армия сафларына киттеләр. Аларны иң изге теләкләр белән район Башкарма комитеты җитәкчесе Фәндәс Вәлиев, Сарман һәм Мөслим районнары буенча хәрби комиссариатның хәрби хезмәткә әзерләү һәм чакыру бүлеге начальнигы Ленар Һадиуллин, дуслары, туганнары, йөргән кызлары озаттылар. Казанда егетләрне хәрби частьләр буенча бүләчәкләр.