Район халкы арасында республиканың барлык хоккей командаларының да җанатарлары бар

Беренче раундта ук ике Татарстан командасы – Казанның «Ак Барс» белән Түбән Каманың «Нефтехимик» клублары очрашуы аренага барып хоккей карауны тагын да җайлады. Киеренке сериядә тәҗрибәлерәк казанлылар 4:2 исәбе белән җиңеп чыктылар, бүген алар Владивостокның «Адмирал» командасы белән уйный башлаячаклар.
Җанатарлар бу уенны түземсезлек белән көтәләр инде. Әлбәттә, алар арасында безнең район вәкилләре дә шактый күп. Аларның кайберләре – мәсәлән, Сарман кызы Айгөл Бәхтегәрәева (төп фотода уңда – ред.), яраткан командасының уеннарын карап барырга җайлырак булсын дип, Татарстанның башкаласына күченеп киткән, шунда эшкә урнашкан.
Аның һәм башка хоккей сөюче райондашларыбызның тарихлары белән район газетасының 17 март саныннан таныша алачаксыз.