Раилә "Ел студенты" исеменә лаек булды +ВИДЕО

Казан дәүләт Архитектура һәм төзелеш университетының архитектура һәм дизайн институтының 5 курсында белем алучы Җәлил поселогы кызы Раилә Шакирова "Ел студенты. Архитекторлар" Бөтенрәсәй бәйгесендә "Иң яхшы архитектор-төзүче студент" номинациясендә җиңү яулады. Зур Нөркәй авылында туып-үскән әтисе Илһам белән әнисе Эльмира, туганнары, дуслары Раиләнең уңышлары белән горурланалар. Без дә аңа киләчәктә һөнәри үсеш юлдаш булуын телибез.