Күтәмәледә тантаналы митинг узды

"Сарман: иң яңа хәбәрләр", 8 май 2023 - 11:32

562

Бүген районның күп кенә авылларында Бөек Җиңүнең 78 еллыгына багышланган тантаналы чаралар узды.

Яңа Имән авыл җирлегенең үзәгендә дә мәктәп укучылары, балалар бакчасына йөрүчеләр катнашында Бөек Ватан сугышында hәлак булганнарга hәйкәл hәм кайткач вафат булган авылдашлары истәлегенә куелган стела янында митинг узды. Чарада катнашучыларны иң элек җирлек башлыгы Рөстәм Гәрәев сәламләде, бәйрәм белән котлады. Ветеран-укытучылар Гөлүсә Маликова, Раян Әхмәтбаев та ихлас теләкләрен җиткерделәр. Балалар матур җырларын, дәртле биюләрен башкардылар, шигырьләр сөйләделәр. Соңыннан hәйкәлгә такыялар салдылар.