“Кояшкай”га кунакка Нәүрүзбикә килде

Балаларны халкыбызның гореф-гадәтләре белән таныштыру, фольклор запасларын арттыру, сәләтләрен ачу, үстерү, туган телгә мәхәббәт тәрбияләү максатыннан уздырылган чара балаларга бик ошаган. 
- Кыш бабайның бер дә китәсе килмәде. Ләкин Нәүрүзбикә үзенең җылы көннәре, ягымлы кояшы белән Кыш бабайны, эретәм, дип куркытты. Хәтта, җитезлектә көч сынашып, Кыш бабабыз Нәүрүзбикәгә юл куярга мәҗбүр булды. Ә балалар, әбиләренә кунакка барып, аны бәйрәм белән котлагач, әби аларны йомырка белән сыйлады. Бәйрәмдә балалар җырладылар, биеделәр, шигырьләр сөйләделәр, табышмакларның җавапларын таптылар. Бәйрәм бик күңелле үтте, - дип хәбәр итте бакчаның өлкән тәрбиячесе Айсылу Билалова.