Казанда “Ел хатын-кызы” бәйгесенә йомгак ясадылар

Анда район Башкарма комитеты җитәкчесе урынбасары Индира Сәхипова җитәкчелегендә безнең районның бәйгедә катнашкан хатын-кызлары да чакырулы иде. 

Бәйге өч этапта – муниципаль, зона һәм республикакүләм үткәрелде. Гадәти 10 номинациягә быел тагын бер өр-яңасы да өстәлде. Ул “Аеруча танылу” (“Особое признание”) дип атала. Аның лауреатлары булып махсус хәрби операциядә якыннары катнашкан, батырларга ярдәм итүче волонтер, актив хатын-кызлар танылды. Араларында “Шәфкать” үзәге белгече – бүгенге көндә улы махсус операциядә хезмәт итүче Алена Ильясова да бар.