Яхшыбайда Яңа елны каршыладылар

"Сарман: иң яңа хәбәрләр", 1 гыйнвар 2025 - 08:58

457

Яхшыбай клубында авыл халкы, Җәлилдән килгән кунаклар көче белән Яңа ел кичәсе оештырылды.

Якынлашып килүче 2025 ел белән авыл халкын һәм кунакларны клуб мөдире Әлфия Сираева котлап китте. Убырлы карчык, 2024 һәм 2025 ел символлары — Аждаһа белән Елан кызыклы уеннар оештырдылар. Тамашачылар кызыклы скетчлар да карап киттеләр.
Кыш бабай белән Кар кызы да озак көттермәделәр, балаларның чыгышларын тыңладылар, аларга, уеннар, «Иң яхшы Яңа ел бизәлеше» бәйгесе җиңүчеләренә бүләкләр тапшырдылар. Лотереяда төрле призлар уйнатылды, Габдуллиннар, Сираевлар, Сәхабиевлар, Сагындыковлар, Исламовлар гаиләләре бүләкләр әзерләделәр. Яңа ел кичәсе күңелле дискотека белән тәмамланды.