Газинур – Россиядә икенче

"Сарман: иң яңа хәбәрләр", 13 сентябрь 2022 - 09:59

771

Агымдагы елның 8-12 сентябрь көннәрендә Саранск шәһәрендә X “Яшь профессионаллар” Милли Чемпионатының финал ярышлары узды.

Сарман аграр көллияте укучысы – Әлмәт авылы егете Газинур Гайнетдинов Татарстан данын яклап чыгыш ясады. Ул “Авыл хуҗалыгы машиналарын эксплуатацияләү” компетенциясендә икенче урынга лаек булды. Райондаш егетебезнең моңа кадәр дә җиңүләре бар иде. “Алга, алга һәм алга! Туктамаска!” девизын үзенә юлдаш итеп алган Газинурның киләчәге өметле. Без аны җиңүе белән тәбрик итәбез һәм уңышлар телибез.