Быел район үзәгендә 6 ишегалды төзекләндереләчәк

Район Башкарма комитеты җитәкчесенең инфраструктур үсеш буенча урынбасары Айрат Гайфутдиновның әйтүенчә, болар – Куйбышев урамындагы үзәк базар тирәсендәге күп катлы йортлар янындагы ике ишегалды, Ленин урамындагы 57 А, 65 нче, “Сельхозтехника” урамындагы 8, 10, 14, 27, 28, 29 нчы йортларның ишегаллары.
Аларның территорияләре асфальтланачак, бордюрлар ясалачак, кер элү, машина кую, келәм кагу урыннары булдырылачак, эскәмияләр, чүп савытлары урнаштырылачак. Бу эшләрне башкару өчен барлыгы 23 миллион сум акча каралган.
Кичә Ленин урамындагы планга кертелгән йортларның ишегалларында инде казу эшләре башланды.