Җәлил картлар йортында Өлкәннәр көнен бәйрәм иттеләр

"Сарман: иң яңа хәбәрләр", 1 октябрь 2022 - 20:36

594

Бүген Җәлил поселогында картлар һәм инвалидлар интернат-йортында Өлкәннәр көне уңаеннан бәйрәм чарасы узды.

Анда район башлыгы Фәрит Хөснуллин катнашты һәм интернатта яшәүчеләргә изге теләкләрен җиткерде. Район Башкарма комитеты җитәкчесе урынбасары Индира Сәхипова, Җәлил поселогы җирлеге башлыгы Рафыйк Кәримов, район ветераннар Советы рәисе Асыляр Харисов, район социаль яклау бүлеге начальнигы Лилия Гыйльметдинова да өлкәннәребезгә хөрмәтле гомер, сихәтлек теләделәр. Иң матур җырлар, биюләр бәйрәм кәефен тагын да күтәрделәр. Чара мул ризыклы табын артында узды.