Аграр көллияттә Белем көне узды

"Сарман: иң яңа хәбәрләр", 1 сентябрь 2023 - 12:04

1038

Сарман аграр көллияте, яңа уку елына старт биреп, бүген студентларын каршы алды.

Анда узган бәйрәм тантанасына мәртәбәле кунаклар да килгәннәр иде. Район башлыгы Фәрит Хөснуллин, Татарстан Республикасында Суд департаменты идарәсе начальнигы урынбасары Рамил Рамазанов, «Агрокөч» җәмгыяте генераль директоры урынбасары Альберт Шәрипов, район Башкарма комитеты җитәкчесе урынбасары Индира Сәхипова, район авыл хуҗалыгы һәм азык-төлек идарәсе начальнигы Николай Сахуриев көллият коллективына уңышлар, яңа үрләр теләделәр. Көллият директоры Зөбәер Әһелтдинов бәйрәм сәламнәрен җиткерде. Көллиятнең 4 курс укучысы — Рәсәй чемпионы Газинур Гайнетдинов, әти-әниләр исеменнән аның әнисе Миләүшә Гайнетдинова укучыларга, укытучыларга матур теләкләрен җиткерделәр.