ИНСПЕКТОР НИЧӘ БЕРКЕТМӘ ТӨЗИ АЛА?

— Күптән түгел мине юл кагыйдәсен бозган өчен инспектор туктатты. Ул тагын берничә кагыйдә бозуны (куркынычсызлык каешын такмау, баланы махсус утыргычка утыртмау) күреп, тагын берничә беркетмә төзеде. Юл сакчылары берьюлы 3-4 беркетмә төзергә хокуклымы?
Р.ХАНТИМЕРОВ.

Автоюрист Марат СОЛТАНОВ:
— Инспекторлар ничә кагыйдә бозуны күрсә, шулкадәр беркетмә төзи. Кисәтү генә ясарга да мөмкин. Сорау бирүче санап киткән кагыйдә бозулар салонда баручыларның куркынычсызлыгына бәйле һәм кагыйдәләрне үтәмәгән өчен соңыннан үкенергә дә туры килүе ихтимал. Әгәр инспектор туктатып, беркетмә язган икән, бәлки, штраф түләгәч, бу йөртүче каеш тагып, баласының исәнлеге өчен борчылып, махсус утыргычка утырта башлар. Штрафларны кисәтү дип кабул итәргә кирәк.

Чыганак: http://baltaci.ru/