“Кабак пеш, авызга төш!” бәйгесенең чираттагы катнашучысы - Гөлинә Сәлимгәрәева

Бәлеш — милли ризыгыбыз,
Кабактан да, иттән дә,
Баланы да ярап тора,
Сирәк авыз иткәндә.
Бәлеш пешердек әле без
Галиҗанәп кабактан.
Рецептын хәзер әйтәбез,
Сорамагыз азактан.
Тышлык өчен бодай оны,
Кирәк су, йомырка һәм тоз.
Тәмле була алмый камыр
Чиста көнбагыш майсыз.
Эчлегенә дөге салдык,
Кишер, йөзем һәм кабак.
Алма, шикәр, маен сипкәч,
Кабып карадык кабат.
Бәлешне ясап куярбыз
Пешәргә бер сәгатькә,
Алсу йөзле булып пешә
Бәлеш нәкь бер сәгатьтә.
Эче авызда эреп китә,
Кетердәп тора тышы.
Тәмле һәм файдалы ризыкны
Яратыр бөтен кеше.
Көзге муллык — көзге бәйрәм,
Табыннарда — сый-нигъмәт,
Бәлеш ашап карагыз,
Бәйрәм булсын мөбарәк!