Бәйрәм табынына тәмле үрдәк пешерү рецептын тәкъдим итәбез

Маринад Ярты стакан соя соусына, 1 аш калагы бал, 4 аш калагы гранат соусы, 4-5 тырнак сарымсак, 2 аш калагы үсемлек мае салып әзерлибез.

Үрдәкне 1 тәүлек тозлы суга салып тотканнан соң,  маринад белән бөтен җирен ышкыйбыз да, тагын бер сәгатькә калдырып торабыз. Шуннан соң фольгага яхшылап төреп,  200 градуслы кызган духовкага пешерергә куябыз. 1,5 сәгать пешергәннән соң, фольгасын алып, калган маринадны өстенә сылап, үрдәкне кызартып алабыз.