Салават Фәтхетдиновка Элвин Грей «иң кирәкле әйбер» бүләк иткән +ВИДЕО

Җырчыны туган көне белән котларга «энекәше» Элвин Грей да килгән.

Бүген Салават Фәтхетдинов туган көнен бәйрәм итә. Җырчының туган көн мәҗлесенә Элвин Грей да килгән. Аның өлкән коллегасына бүләк тапшыру мизгелләрен видеога Рифат Зарипов төшергән. «Салават Зәкиевичне кем генә котламады бүген. Энекәше дә килгән», — дип яза ул.

Бер ел элек Элвин Грейның Салават оештырган мәҗлескә килүе сәер булып күренер иде. Чөнки ике җырчы арасында чыккан бәхәс шактый озак барды. Салават Элвинга «болай җырларга ярамый» дип әйткәннән соң, Элвин Грей аңа каршы ярыш башлады — «Казан-Арена» залында концерт куярга тәкъдим итте. Салават аңа каршы җавап бирмәде. Ике җырчы араларын ничек җайлагандыр, анысы безгә караңгы. Ләкин алар, күптән түгел, инстаграмга кочаклашып төшкән фотоларын куеп, дуслашуларын белдерде.


Бүген Радик Юлъякшин Салават Фәтхетдиновны туган көне белән котлап, үзенчәлекле бүләк бирә. «О, кунакларның кунагы килгән», — ди Салават аңа. «Туган көнең белән, иң мөһиме — беркайчан да авырма. Менә, иң кирәкле әйбер сиңа», — дип, Элвин җырчыга балта тапшыра. «Кирәкле һәм кирәкмәгән кунаклар өчен», — дип тә өсти. «Кирәкмәгәннәр монда килми инде», — дип кочаклый Салават Зәкиевич Элвинны. Кунакларның кадр артында: «Ә без сине бәреп үтерергә килгәнсең дип торабыз», — дип көлгәннәре ишетелә.

ЧЫГАНАК: https://intertat.tatar/news/social/10-01-2021/salavat-f-thetdinovka-elvin-grey-i-kir-kle-yber-b-l-k-itk-n-5797952

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 13 апрель 2021 - 09:54
    Башкортстан кызы Лилия Шагалеева туган телендә Газиз Әбделмәновның шигырен укый!
  • 25 март 2021 - 14:07
    Фирдүс Тямаев Сарайлы авылына кабат кайтачак
  • Сез чүп-чарны сортларга бүләсезме? .
    7 кеше тавыш бирде
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.