"Сәламәт тәндә - сәламәт акыл", - ди Азалак мәктәбе укучылары

Сәламәт булу өчен, һәркем тырышырга тиеш. Сәламәтлекне сакларга теләсәң, спорт белән шөгыльләнергә, стрессларга бирешмәскә кирәк.

Сәламәт яшәү рәвешенә омтылыш тәрбияләү максатыннан Азалак төп гомуми белем бирү мәктәбендә Сәламәтлек көне үткәрелде. Балалар төрле спорт уеннарында ярыштылар.

Сәламәт булуның беренче шарты - һәрвакыт хәрәкәттә булу икәнен балалар бик яхшы аңлады. Киләчәктә дә сәламәт булу өчен спорт белән дус булырга кирәклегенә тагын бер кат инандылар.