Сарман юнармиячеләре батырларны искә алдылар

Бүген Хәтер һәм кайгы көне үтүте турында без хәбәр иткән идек. Шул уңайдан Сарман урта мәктәбе һәм Сарман гимназиясе юнармиячеләре район үзәк ял паркындагы мемориаль комплекска чәчәкләр салдылар. Әлеге чарада шулай ук район Башкарма комитеты җитәкчесенең социаль мәсьәләләр буенча урынбасары Индира Сәхипова, яшьләр эшләре, спорт һәм туризм бүлеге начальнигы Илгизәр Гаделшин, Сарман һәм Мөслим районнары хәрби комиссары Дашгын Гасанов, мәгариф бүлеге начальнигы урынбасары Газинур Габидуллин һәм башкалар катнаштылар.