Район укытучылары бәйрәм иттеләр

"Сарман: иң яңа хәбәрләр", 7 октябрь 2021 - 16:26

1089

Бүген район үзәгенең Әнвәр Залаков исемендәге ял паркында Укытучы көненә багышланган бәйрәм чарасы үтте. Коронавирус белән бәйле вәзгыять, кызганычка каршы, барлык мәгариф хезмәткәрләрен дә очраштырырга мөмкинлек бирмәде. Чарада катнашканнарны район башлыгы Фәрит Хөснуллин, район Башкарма комитетының мәгариф бүлеге начальнигы Гөлшат Идрисова сәламләделәр, бәйрәм белән тәбрикләделәр. Аеруча нәтиҗәле хезмәт куйган педагоглар район Советының, мәгариф бүлегенең Мактау кәгазьләренә, истәлек бүләкләренә ия булдылар. Бәйрәм тантанасы җыр-биюләргә, күңелле сюрпризларга да бай булды.

Альбина Сабирова язмасы, фотолары hәм видеолары