Петровка завод урта мәктәбендә әдәби-музыкаль чара үтте

автор, 26 апрель 2021 - 07:59

1118

“Күңелләрдә син, Тукай!”

26 апрельдә бөек татар шагыйре Габдулла Тукайның тууына 135 ел тула. Әлеге истәлекле көн кысаларында мәктәптә " Күңелләрдә син, Тукай!” дип исемләнгән әдәби- музыкаль тамаша үткәрелде. Чара барышында шагыйрьнең шигырьләре яңгырады. Укучылар аның шигырьләренә язылган җырлар башкардылар. "Таз", "Эш беткәч уйнарга ярый", "Бала белән күбәләк", "Су анасы", "Шүрәле" театральләштерелгән тамашалары истәлекле булды. Чара "Туган тел" җыры белән тәмамланды.