Кыр казлары китте, саубуллашып

"Кыр казлары китте - санамадым,
Яз кайтырлар - шунда санармын", - дип шигырь юллары белән фотосын да юллаган безгә бер райондашыбыз.
Быел көз җылы, матур, кояшлы, аеруча серле һәм сихри булды. Алтынсу төсләргә бизәлгән табигать тормышыбызга яктылык, өмет һәм ышаныч өстәп торды. Инде җиргә әкрен генә йомшак кар түшәлә. Аклык иңә җиһанга. Хәере белән килсен кышлар да. Ә кыр казлары - аккошлар язын, Алла теләсә, тагын әйләнеп кайтырлар. Исән-сау булып, аларны шатланып каршы алырга язсын.

Альбина Сабирова язмасы