Кул эшләнмәләрен бар күңел җылысын биреп башкаралар

Районыбыз балалары, яшүсмерләре үзләренең актив булулары, яңалыкка омтылулары, яңа төр һөнәрләр үзләштерү максаты белән янып-көеп йөрүләре белән аерылып торалар. Һәрбер авыл җирлегендә дә кул эшләнмәләре ясау, сызу, барлыкка китерү буенча махсус түгәрәкләр эшләп килә. Балалар анда рәхәтләнеп йөриләр, яшьтәшләре белән аралашалар, матурлык тудырырга өйрәнәләр.

Саклаубаш мәктәбенең 3-4 класс укучылары йомырка савытыннан "Крокодил" ясадылар. Алар бу төр эшне зур кызыксыну белән эшләделәр.

"Кул эшләре – сәламәтлек өчен бик файдалы", - ди Саклаубаш балалары.