Галәмнән кайтучылар хөрмәтенә Дамир абый шигырь язган

Билгеле булганча, 4 октябрь көнне Байконур космодромыннан МС-19 космик корабле Галәмгә старт алган иде.

Аның бортында Халыкара космик станциягә дөньядагы беренче «киноэкипаж» — режиссер Клим Шипенко һәм актриса Юлия Пересильд, шулай ук космонавт Антон Шкаплеров очтылар. Алар 12 көн дәвамында Галәмдә нәфис фильм төшерделәр. «Вызов» исемен алган картина «Роскосмос», «Беренче канал» һәм Black and White.Yellow студияләренең уртак проекты булып тора. Экипажның уңышлы кайтуы уңаеннан райондашыбыз Дамир Гарифуллин шигырь язган.
Ура! Ура! Безнекеләр
Галәм урап кайттылар.
Юлларына алсу таңнар
Келәм булып яттылар.
Исән-сау өйгә кайттылар
Батырлар, каһарманнар,
Чын күңелдән барысын да
Алкышлыйлар сарманнар.
Данлы эшләр илне данлый,
Галимнәр белеп язган.
Батырларны кабул итте
Казахстан-Җизказган.
Дулкынлану, горурлану
Хисе генә һәркайда,
“Мең вә миллион афәрин” дип
Котлый кебек Тукай да.
Кайберәүләрнең күзендә
Күз яше дә күренә,
Ничек инде күренмәсен,
Мендек бит күк түренә.
Безнекеләр җиңә белә
Эшнең авырларын да,
Көтик, барсын да күрербез
Кино кадрларында.
Озын юлның башы болар,
Дәвамын да күрербез,
Килер вакыт, хәл белешеп,
Ай янына керербез...
Сизеп торам: яратыр ул
Безнең каен суын да.
Тыныч кына яшик әле –
Тормыш торсын сыенда.
Иксез-чиксез күк шикелле,
Хыялларның чиге юк.
Алда көтә зур җиңүләр,
Һич тә артка чигү юк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде