Аръякта кибет ачылды

Район үзәгенең Әлмәт авылына бару ягында – аръякта бүген халыкка комплекслы хезмәт күрсәтү пункты ачылды. Шул тирәдә яшәүче халык аның кулланылышка тапшырылуын күптән көтте инде.
- Куанычы булсын. Бу якта пенсионерлар күп яши, алар өчен бигрәк тә кирәк иде. Исән-сау эшләргә язсын, - диделәр бу вакыйгага аеруча сөенгән өлкәннәр.
Кибет ачылу тантанасында Татарстан Республикасы Премьер-министры урынбасары – Авыл хуҗалыгы һәм азык-төлек министры Марат Җаббаров, Татарстан Республикасы Суд департаменты идарәсе начальнигы Җәүдәт Салихов, район башлыгы Фәрит Хөснуллин, “Татпотребсоюз” идарәсе рәисе Рашат Шәймәрданов һәм башкалар катнаштылар. 

Альбина Сабирова язмасы, фотолары һәм видеолары