"Ак чәчәкләр" акциясенә мәдәният йорты хезмәткәрләре дә кушылдылар

"Сарман: иң яңа хәбәрләр", 26 октябрь 2021 - 17:24

672

Игелек эшләргә кайчан да соң түгел, бары теләк кирәк. Республикакүләм старт алган "Ак чәчәкләр" хәйрия акциясенә район мәдәният йорты хезмәткәрләре дә кушылдылар. Бүген алар Сарман авылында яшәүче кечкенә Мәдинә янында булдылар.

- Безнең кызыбызны сөендергәннәре өчен бик зур рәхмәт. Тәмле күчтәнәчләр, йомшак уенчык аның кәефен тагын да күтәрде. Абыйсы Мөхәммәт белән энесе Мөбарәккә дә өлеш чыкты. Игелек ияләренең һәрберсенә рәхмәтебез чиксез, - диде, телефоннан елый-елый рәхмәт сүзләре ирештереп, балаларның әбиләре Зөлфия Хакова.