Район башлыгы Фәрит Хөснуллин Әтиләр көне белән котлый

Россия Федерациясе Президенты Владимир Путинның 2021 елның 4 октябрь Указы белән яңа бәйрәм – Әтиләр көне билгеләнде.
Бу бәйрәм гаилә институтын ныгыту һәм балаларны тәрбияләүдә әтиләрнең әһәмиятен арттыру максатларында барлыкка килде, һәм Россиядә октябрь аеның өченче якшәмбесендә бәйрәм ителәчәк.

Үз гомерендә әти булу шатлыгын татыган,
балаларына ата назын, тормышта ныклы терәк һәм яклаучы булган барлык сарманлы ир-егетләрне Әтиләр көне белән котлыйм.
Киләчәктә дә һәр ир кешегә гаилә учагы җылысын тоеп яшәргә, бәхетле уллар һәм кызлар үстерергә насыйп булсын.
Фәрит Хөснуллин, муниципаль район башлыгы