Үзара салым акчасын җыю бара

"Сарман: иң яңа хәбәрләр", 3 февраль 2021 - 09:24

922

Әзергә — бәзер булып яшәргә өйрәнеп беттек. «Нигә без түләргә тиеш, дәүләт эшләсен» ише сүзләрне еш ишетергә туры килә. Узган ел Сарман җирлегендә үзара салым акчасының 72 процент күләмендә генә җыелуы мондыйларның шактый булуын күрсәтә.

Ел тәмамлану белән, һәркем узган елга йомгак ясый. Бу сарман авыл җирлегендә дә шулай. Ә менә халыкны иң кызыксындырганы - узган ел җыелган үзара салым акчаларының нәрсәгә тотылганлыгы, ул акчаларга нинди эшләр башкарылуы. Без сарман авыл җирлеге башкарма комитеты җитәкчесе николай сахуриевтан шушы хакта сөйләвен үтендек.
– Узган ел Сарман авыл җирлеге буенча үзара салым акчасы 600 мең сум күләмендә җыелды. Бу – салым түләргә тиешле халыкның 72 проценты гына салым түләгән дигән сүз. Дәүләттән бирелә торган дотация белән ул 3 миллион тирәсе булды. Бу акчаларга шактый эшләр башкарылды.