Юмор хисе булмаган кешедә нинди авыру булуы ихтимал?

Кеше тиешле урында көлмәсә, аның сәламәтлеге белән проблемалары булуы ихтимал. Бу турыда Медикфорум сайтына сылтама белән «Челнинские известия» язды.

Галимнәр 105 кешене тикшергән. Аларга деменция диагнозы куелган. Бу гаиләләрдәге сәламәт 156 кешене дә тикшергәннәр. Катнашучылар 10-15 минут эчендә алдан килешенгән темага сөйләшеп утырган. Экспертлар аларның сөйләшүен һәм ничә тапкыр көлеп җибәргәнен карап торган.

Бу эксперимент вакытында деменциясе булган кешеләр сирәгрәк көлгән. Белгечләр фикеренчә, бу хәл деменция вакытында кешенең үзаңы түбәнәю белән бәйле булырга мөмкин.

Тагын бер тикшеренү күрсәткәнчә, кешедә когнитив функцияләр кимү билгесе — сарказм булмау. 2009 елда Калифорния университеты 175 кеше катнашында тикшеренү уздырган. Аларның күбесендә деменция яки башка төрле нейродегенартив тайпылышлар булган. Бу кешеләргә сарказм сурәтләнгән видоклиплар күрсәткәннәр. Деменциясе булган кешеләр сарказмны сәламәт кешеләрдән сирәгрәк аңлаган, диелә хәбәрдә.

• Деменция вакытында авыру кешенең фикерләү сәләте — когнитив үзлекләре кими. Акрынлап аның хәтере, акыл сәләте, вакыт һәм пространствода ориентлашу сәләте кими, шулай ук ул кешеләрне һәм предметларны начар таный башлый.
• ЧЫГАНАК
• ФОТО