“Татарча диктант”та катнаша аласыз
“2014-2022 елларда Татарстан Республикасында Татарстан Республикасы дәүләт һәм башка телләрне саклау, өйрәнү һәм үстерү” дәүләт программасын тормышка ашыру кысаларында бөтендөнья татарча диктант акциясе үткәрелә.
Ул быел 10 сентябрьдә уздырыла. Диктант язу 11.00 сәгатьтә башлана. Анда Россия Федерациясендә, бөтен дөньяда яшәүче татарлар, шулай ук башка милләт вәкилләре катнаша ала.
“Татарча диктант” акциясе районның барлык мәктәпләрендә үткәрелә. Ә онлайн язарга теләүчеләр http://diktant.tatar/ сайтында теркәлү үтәргә тиешләр. Шунда ук диктантны язу тәртипләре турында инструкция, бланк һәм онлайн трансляция өчен сылтама да бар. Ул шулай ук ТНВ-Татарстан һәм ТНВ-Планета телеканалларында трансляцияләнә.
Следите за самым важным и интересным в Telegram-каналеТатмедиа
Нет комментариев