СПИДка каршы көрәш комиссиясе утырышы узды

Аны комиссия рәисе – район Башкарма комитеты җитәкчесенең социаль мәсьәләләр буенча урынбасары Индира Сәхипова алып барды. Иң элек сүз комиссиянең җаваплы сәркатибе – Сарман үзәк район хастаханәсе эпидемиологы Илүс Вахитовка бирелде. Ул районда бу юнәлештә башкарылган эшләргә, профилактик чараларга тукталды. Теманы хастаханәнең йогышлы авырулар табибы Зөлфия Саликова дәвам итте. Соңыннан утырышның карары тәкъдим ителде.