Сарманлылар "Хәтер шәме" акциясенә кушылдылар

"Сарман: иң яңа хәбәрләр", 23 июнь 2021 - 11:36

912

22 июнь – Хәтер һәм кайгы көне уңаеннан, кич белән район үзәгенең Ял паркында урнашкан Бөек Ватан сугышында батырларча көрәшкән һәм һәлак булганнар истәлегенә салынган мемориал янында хәтер шәмнәре кабынды.

Сарманлылар да Бөек Ватан сугышы башлануга 80 ел тулуга багышланган “Хәтер шәме” Бөтенрәсәй акциясенә кушылып, каһарманнарыбызны искә алдылар. Район Башкарма комитеты җитәкчесе Фәндәс Вәлиев, районның хәрби комиссары Дашгын Гасанов райондашларыбызның яу кырындагы батырлыкларын тагын бер кат искә төшерделәр, тыныч күк йөзе теләделәр. Аннан геройлар истәлегенә бер минутлык тынлык игълан ителде. Акциягә мәктәп укучылары һәм укытучылары, яшьармиячеләр, “Бердәм Россия” партиясенең “Яшь гвардия”, ФОРПОСТ членнары, ветераннар, оешма-предприятие хезмәкәрләре кушылдылар.