Рәхмәт әйтергә кайчан да соң түгел, дуслар!

Ә бүген җае да чыгып тора, сәбәбе дә бар, чөнки 11 гыйнвар – Халыкара рәхмәт әйтү көне. Рәхмәт сүзләре символик көчкә ия. Нәкъ менә рәхмәт сүзләре аша без бер-беребезгә шатлык бүләк итәбез, игътибар күрсәтәбез, уңай тәэсирләрне бүлешәбез.
Бүген моңа кадәр әйтелми калган ихлас теләкләрне, рәхмәт сүзләрен җиткерергә уңай көн. Якыннарыгызны сөендерегез, хөрмәтле дуслар! Рәхмәт әйтергә кайчан да соң түгел. “Бер рәхмәт мең бәладән коткарыр”, дип, борынгылар юкка әйтмәгәндер.
Ихластан рәхмәтле булыйк, дус-тату яшик.