Район умартачыларын нәрсә борчый?

Чәчү белән беррәттән, уҗымнарны эшкәртү эшләре дә башлана. Аннан инде тишелгән яңа уңышка ашлама кертү, төрле авыруларга, зарарлы бөҗәкләргә каршы агротехник чаралар күрелә. Менә шул чорларда шәхси хуҗалыкларында умарталар асраучылар да пошаманга төшә башлыйлар: бал кортлары агуланмаслармы, бал сыйфатына тискәре йогынтысы тимәсме, баш саннары кимемәсме һәм башка сораулар белән алар, иң беренче чиратта, әлбәттә, районда умартачылык белгече Розалия Фатыйховага мөрәҗәгать итәләр. Бу төр сорауларны авыл җирлекләрендә узган җыеннарда да еш ишетергә туры килә. Бүген район үзәгенең кинотеатр бинасында узган киңәшмәдә нәкъ шулар хакында сүз барды. Анда агрофирма җитәкчеләре, агрономнары, игенчелек белгечләре, умартачылар чакырулы иде. Киңәшмәне район авыл хуҗалыгы һәм азык-төлек идарәсе начальнигы Альберт Шәрипов алып барды. Аның эшендә район башлыгы урынбасары Гүзәл Гәрәева катнашты.
Бу хакта тулырак газетабызның алдагы санында укыгыз.

Альбина Сабирова.