Җәлилнең актив гомер озынлыгы Үзәге үз эшчәнлеген торгызды

"Сарман: иң яңа хәбәрләр", 5 апрель 2021 - 09:28

789

Җәлил поселогының “Батыр” спорт-сәламәтләндерү комплексы бинасында урнашкан актив гомер озынлыгы Үзәге нефтьче пенсионерларыбызның һәм ветераннарыбызның сәламәтлекләрен ныгыту өчен иң яраткан һәм файдалы урыннарның берсенә әверелде.

Биредә өлкән буын кешеләре, заманча тренажерларда шөгыльләнеп, физик яктан да ныгыйлар, шул ук вакытта, очрашып, бер-берсе белән яшьлек хатирәләрен, гаилә хәлләрен уртаклашалар, яңалыклар алышалар.
24 февральдә Үзәк үз эшчәнлеген кабат торгызып җибәрде. Әлеге яңарышны поселок пенсионерлары көтеп алдылар. Илдә булган чикләүләр аркасында эшчәнлеген туктатырга мәҗбүр булган Үзәктәге файдалы шөгыльләрне алар бер елга якын юксындылар.
Бу хакта тулырак газетабызның 2 апрель санында укыгыз.