Җәлил командасы дүрт номинациядә җиңү яулады

"Сарман: иң яңа хәбәрләр", 30 сентябрь 2021 - 15:34

855

21нче сентябрьдән 25 нче сентябрьгә кадәр Югары Ослан районының Дачный бистәсендә "Куркынычсызлык мәктәбе" исеме астында республикакүләм ярышлар уздырылды.

Р.К.Талибуллин җитәкчелегендәге Җәлил бистәсенең 2 нче мәктәбе командасы районыбыз данын яклады. Ярышлар укучыларның физик көчләрен, кыен шартларда команда булып оеша алуларын, интеллектуаль һәм көнкүрештәге белем- күнекмәләрен тикшерде. Егетләр һәм кызларны сынаулар куркытмады, алар биремнәрне лаеклы үтәделәр. Җиңү шатлыгы, җиңелү ачысы, күз яшьләре, уңышлар, уңышсызлыклар бергә үрелде. Хәзер барысы артта калды. Команда ярышларның 4 номинациясендә җиңүгә иреште, командалар зачетында 7 урынга лаек булды.