Иң биек чыршы - «Татмедиа»да

Ул - Европаның иң биек ноктасында урнашкан чыршы. Төрле төстәге утлар белән балкучы конструкция башкала халкының һәм бәйрәм көннәрендә республикага киләчәк кунакларның кәефен күтәрәчәк. Шәһәрнең иң биек биналарының берсендә Яңа ел чыршысы урнаштырылды: ул «Татмедиа» АҖнең түбәсен бизәде. Кичен аның утлары шәһәрнең берьюлы берничә районыннан, шул исәптән Кремль ярыннан күренәчәк, бәйрәм көннәрендә ул башкалар халкына һәм кунакларга бәйрәм кәефе бүләк итәчәк.
«Татмедиа» җәмгыяте генераль директоры Шамил Садыйков сүзләренә караганда, чыршының биеклеге 18 метр, бинаның биеклеге 56 метр тәшкил итә. Ул 390 метр озынлыктагы гирлянда белән бизәлгән.
«Безнең бина түбәсендәге Яңа ел конструкциясен без башкала халкына һәм аның кунакларына бәйрәм кәефе бүләк итү өчен урнаштырдык», – диде Садыйков.
Европада иң югары Яңа ел конструкциясе булып, гадәттәгечә, Испаниянең Гранада шәһәрендә куела торган чыршы санала. Ул - 55 метр биеклектә. Россиядә иң биек чыршыны Красноярскида урнаштыралар, аның биеклеге дә 55 метр тәшкил итә. Чагыштыру өчен: Мәскәүдә Кремль чыршысының биеклеге бик сирәк очракта гына
30 метрдан артып китә.