Узган тугыз айда районның сәүдә нокталарыннан барлыгы 29,5 мең декалитр алкоголь продукциясе (узган елгының шушы чорындагыдан 6 процентка азрак) сатылган.
Аның 7,3 мең декалитры – “Татпотребсоюз”, 0,9 мең декалитры “Татспиртпром”, 21,3 мең декалитры калган кибетләрдән сатылган. Район буенча алганда, тугыз айда җан башына 8,6 литр алкоголь продкуциясе (сырадан башка) туры килә. Күрше районнарны алсак, Мөслимдә ул - 9,28; Минзәләдә - 11; Зәйдә - 9,57литр. Ә сыра җан башына 8,1 литр туры килэ.
Алкоголь сату өлкәсендә закон бозу очраклары булгалап тора. Аларга карата администартив чара күрелгән – штрафлар салынган.
Бу өлкәдәге закон бозулар турында сарманлылар Интернет аша “Халык контроле” системасына да хәбәр җибәргәннәр. Тугыз айда “халык контроле”нә 5 мөрәҗәгать булган, аларның барысы да расланган. Язылган фактлар расланса, хәбәр бирүчене акчалата бүләкләүләре хакында хәбәр иткән идек инде.
Кадрия Вагыйзова, Түбән Кама территориаль органының контроль-инспекция бүлеге әйдәүче белгеч-эксперты.
Нет комментариев