Александровка авылында авыл чишмәсенә экскурсия оештырганнар

Александровка авыл китапханәсе хезмәткәре балалар белән чишмә буена экскурсия оештырды. Анда балалар өчен "Табигать белән янәшә" дигән темага хәрәкәтле уеннар уйнатылды.

Экскурсия барышында алар чишмә тарихы һәм аның файдалы үзлекләре белән таныштылар. Әңгәмә барышында җәмәгатьчелек игътибарын чишмәләрне төзекләндерү проблемасына җәлеп итү мәсьәләсе буенча фикер алыштылар. Чишмәләр-чиста су чыганаклары. Ә эчәргә яраклы су кешегә, бигрәк тә эссе көндә кирәк. Чишмәләр табигатькә бик кирәк, алар, елгаларыбызның чыганагы булып торалар.