Булдыклы, диләр аны

Сәвия Гайфуллина «Сарман икмәге» җәмгыятендә 1978 нче елдан бирле эшли. Сарманлылар җәмгыять икмәген, ул җитештергән кайнар күмәч, чәй ризыкларын яратып алалар икән, монда аның да өлеше зур. «Мәктәпне тәмамлап, сатучылар курсларында укыганнан бирле шушында инде мин. Бик яратып эшлим, башка эшкә күчү турында уйламадым да. Коллектив та бик тату», - ди ул. Сәвия апа шушы еллар эчендә тормыш иптәше белән җиде бала да үстергән, олы тормыш юлына бастырган.