Күренекле якташыбыз булачак Президент өчен тавышын Сарманда бирде

Татарстанның атказанган артисты Эдуард Латыйпов һәр сайлауга туган районына кайта, киләчәк өчен тавышын Сарманда бирә.

— Мин бер сайлауны да калдырмаска һәм үзем теләгән кандидат өчен тавышымны һәрвакыт Сарманда бирергә тырышам. Әлбәттә, һәр сайлаудан соң кеше ниндидер яңарыш, үзгәреш көтә. Алар халыкның тормышын уңай якка үзгәртсен, киләчәк тормышыбыз да рәхәт, матур, җитеш булсын. Иң мөһиме — дөньялар тыныч булсын. Сайлауларның минем өчен әһәмияте шунда: безнең киләчәгебез безнең сайлаудан тора, — ди якташыбыз — Татарстанның атказанган артисты Эдуард Латыйпов.