Усай авылында гомер итүче Динара белән Реналь Хисаметдиновлар җиде бала тәрбияләп үстерәләр.
Төпчекләре әле шушы көннәрдә генә дөньяга аваз салган. Шулай да, бәхетле әти-әни Россия Президентын сайлауларга килергә җай тапкан.
— Күп балалы гаиләләргә булган ярдәм өчен без Хөкүмәтебезгә рәхмәтлебез, — диделәр алар.
2510 нчы санлы Югары Чыршылы авылындагы участокта тәүге тапкыр тавыш бирүчеләр дә булды. Аларның берсе — Үрнәк авылы кызы Ильмира Хәбибуллина.
— Минем өчен Президент сайлаулары истәлекле вакыйга булды. Бераз дулкынландырды да, — дип, кичерешләре белән уртаклашты ул.
Нет комментариев