Чыршылылар өйдә дә тавыш бирделәр

Түбән Чыршылы авылында яшәүче Анна белән Петр Ивановлар, Таисия Тимашева 2510 санлы сайлау участогына килә алмасалар да, Татарстан Рәисен һәм районның вәкиллекле органнарына депутатлар сайлауларда катнашырга теләк белдерделәр. 

– Безне онытмаганыгыз, тыңлап, килгәнегез өчен рәхмәт, – диделәр алар комиссия әгъзаларына. 
Айназ Хөснетдинов исә участокка үзе барды. Ул беренче тапкыр сайлауларда катнаша. 
– Әлбәттә, бераз дулкынландым. Бик ошады. Алга таба да мондый чараларны калдырмаска тырышачакмын, – дип сүз бирде егет.