Бөек Ватан сугышы ветераны Шәрипҗан ага да үз тавышын бирде

Илексаз авылында яшәүче Бөек Ватан сугышы ветераны Әхмәтҗанов Шәрипҗан Әхмәтҗан улы янына участокның сайлау комиссиясе членнары үзләре килделәр. 100 яшенә җитеп килүче ветеран үз тавышының киләчәк тормышыбыз өчен мөһим булуын яхшы аңлый, шуңа сайлауларда бик теләп катнашты.

— Дөньялар тыныч булсын, без күргәннәрне оныкларыбыз күрмәсеннәр, бәхетле яшәсеннәр, — диде Шәрипҗан абый.

Илексаз авыл җирлеге башлыгы Флер Гыйльфанов ветеранга бәйрәм күчтәнәче дә тапшырды.