Александровкада ансамбль белән сайлыйлар

Александровкада сайлауга авыл мәдәният йорты каршында эшләп килүче «Рябинушка» һәм «Ядкарь» фольклор ансамбльләре коллективлары да бердәм булып килгәннәр. Алар булачак Президент өчен бергәләп тавыш биргәннәр, бер уңайдан халыкка күңелле концерт та куйганнар.

— Сайлаучылар аларның чыгышларыннан бик канәгать калдылар. Гомумән, җирлектә сайлаулар оешкан төстә бара. Кичә сайлаучыларның 52 проценты тавыш биреп киткән иде, бүген дә халык иртәдән үк килә башлады, — ди 2502 нче участок сайлау комиссиясе рәисе Айсылу Хафизова.