100 яшьлек Бибифатыйма апа янына күчмә сайлау тартмасы алып килделәр

Алга авылында гомер иткән, бүгенге көндә Саклаубашта улы белән килене тәрбиясендә яшәүче Миңнебаева Бибифатыйма Миңнебай кызы да РФ Президентын сайлауларында үз тавышын бирде.

— Аякларым авыртмаса, сайлау участогына үзем барыр идем әле. Үзегез килерсез инде, илебез киләчәге өчен минем дә үз тавышымны бирәсем килә, — дип хәбәр итте сайлау комиссиясе әгъзаларына 100 яшьлек ветеран.

Гасыр чиген узган Бибифатыйма апа үз гомерендә дистәләгән сәяси чарада катнашкан. Бу юлы да ул үзенең гражданлык бурычын намус белән үтәде.