Зур нөркәй мәктәбе “ Язгы игелеклелек атнасы”да төрле чаралар узды

 Шул уңайдан 4 нче класста “Дуслык, тынычлык һәм игелеклелек” темасына әдәби танып-белү дәресе үтте. Укучылар  дуслыкның ни аңлатканын белделәр, игелекле һәм  чын дус булырга өйрәнделәр. Шушы темага багышланган презентация карадылар, уеннар уйнадылар. Уен барышында уңай геройларны куллар чабып, тискәре геройларны аяк тыпырдатып белдерделәр. Дәрес укучылар өчен бик кызыклы һәм файдалы булды. 

16 нчы март көнне 1-2 нче сыйныф укучылары һәм аларның вожатыйлары арасында  “Күнелле стартлар” уены үтте. Ул “ Язгы игелеклелек атнасы” кысаларында оештырылды. Укучылар ике командага бүленеп җитезлектә, төгәллектә көч сынаштылар. Уен ахырында нәтиҗә ясалды, җиңүче команда билгеләнде.