Зур Нөркәй мәктәбе укучылары "Туган як" музеенда экскурсиядә булдылар

Зур Нөркәй урта гомуми белем бирү мәктәбе укучылары, укытучылары Лилия Сәетова белән Игелеклек атналыгында мәктәптә урнашкан «Туган як» музеенда экскурсиядә булдылар. Экскурсия барышында җәмгыять һәм тарих укытучысы Илдар Карамова район тарихы, андагы экспонатлар, җирлекне үстерүгә зур өлеш керткән кешеләр турында сөйләде. «Шәфкатьле булу - барлык күркәм гадәтләрнең башы, әдәплелекнең нигезе. Чөнки бары тик шәфкатьле бала гына күркәм гадәтләргә ия, бәхетле, тәүфыйклы, мәрхәмәтле, кешелекле була ала», диде ул. Район, авыл тарихы белән танышу балаларның күңелләрендә тирән хисләр калдырды.