Яңа елда Әнисә апага 90 яшь тулды

Иске Кәшер авылында гомер итүче Гарипова Әнисә Гали кызына яңа елның беренче көне олуг бәйрәм алып килде. Ветеранга 90 яшь тулды. Юбилярны гомер бәйрәме белән район Башкарма комитеты җитәкчесе Фәндәс Вәлиев тәбрикләде, изге теләкләрен  җиткереп, Рәсәй Президенты Владимир Путинның Котлау открыткасын һәм район башлыгы Фәрит Хөснуллин исеменнән истәлек бүләкләре  тапшырды .  Район социаль яклау  бүлеге начальнигы Лилия Гыйльметдинова, "Шәфкать"үзәге директоры Гөлнара Хуҗина, Иске Кәшер авыл җирлеге башлыгы Раян Дәүләтҗанов, авыл ветераннар советы  рәисе  Зинаида Якупова, якыннары да  Әнисә апага сихәт гомер, бәхетле картлык теләделәр.