Тәмле ботка пешерү серләрен кем белә?

Файдалы һәм туклыклы ботканы кем генә яратмый икән? Инглизләр һәр көнне иртән солы боткасы ашауны гадәткә керткәннәр. Кытай, Таиланд, Вьетнамда бер генә ашау да ристан башка үтми.
Бүген, 10 октябрьдә, Халыкара ботка көнен билгеләп үтәләр. Аның нинди генә төрләре юк хәзер. Тары, солы, карабодай, кукуруз, рис, манный, арпа боткалары... Ботка бик күп төрле витаминнарга һәм микроэлементларга бай. Ул яхшы үзләштерелә һәм югары энергетик кыйммәткә ия. Шуңа табиблар һәр иртәнге ашка ботка ашарга киңәш итәләр. Сез дә сыйланып алыгыз, дуслар. Ашларыгыз тәмле булсын!