Татарстанда Матбугат көне: Марат Әхмәтовның бәйрәм котлавы
Татарстан Республикасы Дәүләт Советы Рәисе вазифаларын башкаручы Марат Әхмәтов республиканың барлык журналистларын, нәширләрен, полиграфистларын, ветераннарын һәм яшь каләм тибрәтүчеләрен һөнәри бәйрәмнәре — Татарстан Республикасы Матбугат көне белән ихлас күңелдән тәбрикләде.
Ул үзенең мөрәҗәгатендә бу бәйрәмнең тормышын сүз көченә, тарихи хәтерне саклауга һәм заманча Татарстанның югары казанышларын чагылдыруга багышлаган кешеләрне берләштерүен билгеләп үтте. Марат Әхмәтов ассызыклаганча, матбугат һәрвакыт мәгълүмат җиткерү чарасы гына түгел, ә мәдәниятне, туган телләрне һәм күпмилләтле халкыбызның рухи-әхлакый кыйммәтләрен саклауның мөһим коралы да булып тора.
Цифрлы технологияләр тиз үскән һәм яңа сынаулар туган бүгенге чорда да республика медиасы дәүләт сәясәтен үткәрүдә, хакимият белән җәмгыять арасында конструктив диалог булдыруда ныклы таяныч булып кала. Бу өлкәдәге хезмәт сөючәнлек, намуслылык һәм гражданлык җаваплылыгы кебек күркәм традицияләр исә тармак ветераннары һәм династияләр тарафыннан салынган. Бәйрәм уңаеннан Марат Әхмәтов республика медиаҗәмәгатьчелегенә тугры укучылар, илһам, тирән эчтәлекле мәкаләләр, туган җиребез хакына яңа иҗади уңышлар, ныклы сәламәтлек һәм иминлек теләде.
Фото: © «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев