Татарстанда бер атна эчендә 61 кеше химия белән агуланган

Агуланучыларның 60,6% – ир-атлар, 39,4% – хатын-кызлар. Зыян күрүчеләр арасында балалар (11,5%) һәм яшүсмерләр (8,2%) бар. Балалар очрагында төп сәбәп — өлкәннәр карап җиткермәү аркасында матдәләрне ялгыш кабул итү.

Белә торып агулануларның 50% суицид максатында, калган 50% исертү максатында булган. Очраклы агулануларның 53% — матдәләрне ялгыш кабул итү аркасында. Шулай ук алкоголь белән агулануның 7 очрагы теркәлгән, эчемлекләрнең кайда алынуы билгеле түгел.